Florian Marku dhe Xhejms Stjuart ndahen në barazim, edhe pse boksieri shqiptar arriti të ishte ma lart se kundërshtari i tij anglez, të cilin e detyroi të merrte veten në raundin e dytë, pas një “nokdauni”.
Raundi i parë ishte deri dikurt i barabartë, por Marku u tregua dinak në disa momente, duke goditur rivalin me të majtë. Boskieri shqiptar vijoi me strategjinë e tij edhe në raundin tjetër, teksa mbrohej mirë dhe shtynte Stjuart drejt litarëve.
Në një moment Marku e goditi fort në trup dhe arbitri nisi numërimin, por britaniku me duart në brinjë bëri me shenjë që mund të vazhdonte.
Raund pas raundi u konfirmuar një duel shumë i luftuar, me të dy boksierët që mundoheshin të godisnin njëri-tjetrin.
Në raundin e pestë Stjuart e vuri disi në siklet Markun, kurse më pas dueli vijoi të ishte deri diku i barabartë sërish. Shqiptari e çoi në kënd disa herë rivalin dhe në raundin e tetë me një goditje të fortë ia hoqi edhe protezën. Asnjë prej boksierëve nuk ra dhe gjyqtarët vendosën që gjithçka të mbyllej në barazim. (abcnews)
