Probleme te Shqipëria, Reja humbet tre futbollistë para ndeshjes me San Marinon!

Probleme te Shqipëria para ndeshjes me San Marino, ndeshje kjo që në program është të mërkurën. Për këtë ndeshje trajneri Edi Reja nuk do të mund të llogarisë në shërbimet e 3 futbollistëve. Klaus Gjasula është larguar drejt Gjermanisë, ndërsa Florian Kamberi dhe Odise Roshi kanë shfaqur probleme dëmtimesh.

I pari është i pezulluar me kartonë të verdhë dhe nuk mund të luajë kundër San Marinos, ndërsa Roshi do të ju nënshtohet disa kontrolleve shtesë, për të konfirmuar nëse i njëjti do të jetë në disponim të trajnerit Reja.

Gjithsesi nuk do të ketë prurje të reja, pasi trajneri Reja ka alternativa të tjera për mesfushën dhe sulmin.

NJOFTIMI I FSHF-së:

“Kombëtarja shqiptare ka zhvilluar paraditen e së hënës një seancë të lehtë stërvitore në kompleksin Tropikal. Lojtarët që u aktivizuan në ndeshjen ndaj Anglisë bënë vetëm ushtrime shkrythëse, ndërsa ato që qëndruan në stol një seancë më të plotë. Pas drekës delegacioni kuqezi u nis për në San Marino, ku të mërkurën do të zhvillojë ndeshjen e tretë për eliminatoret e Botërorit 2022. Kombëtarja ka mbërritur në orët e pasdites në San Marino, ndërsa për ndeshjen e tretë do të ketë disa ndryshime ne organikë. Klaus Gjasula është larguar që sot drejt klubit të tij, pasi është i skualifikuar për shkak kartonësh dhe nuk do të jetë i gatshëm për ndeshjen e tretë të Shqipërisë. Probleme fizike për Florian Kamberin dhe Odise Roshin, me mesfushorin që është në dyshim për sfidën e San Marinos dhe mbetet ende për t’u verifikuar gjendja e tij, kurse sulmuesi do të mungojë pasi nuk rikuperohet për ndeshjen”.

Leave a Reply