Rashid Sodik do vazhdojë të luaj në elitën e futbollit vendor. Mbrojtësi nigerian së fundmi ishte pjesë e Skopjes, te e cila skuadër luajti vetëm për 6 muaj.
Pasi humbi statusin e skuadrës elitare, Sodik vendosi ti thotë “PO”, skuadrës nga Parku i Qytetit, me të cilën skuadër ka nënshkruar kontratë dy vjeçare.
“Kam nderin që do të mbajë veshur fanellën e Rabotniçkit. Kur më erdhi oferta, nuk hezitova fare. E di shumë mirë historinë e këtij klubi në futbollin maqedonas. Shpresoj të kontribuoj në arritjen e objektivave të klubit në periudhën që pason”, – u shpreh Sodik, i cili menjëherë do të vihet në dispozicion të trajnerit Ilievski.
Gjatë karrierës së tij, përveç me Skopjen, nigeriani ka luajtur edhe në vendlindjen e tij me skuadrën e Remo Stars, ndërsa gjithashtu kishte veshur edhe fanellën e Fremad Amager në Danimarkë, si dhe të skuadrave ruse të Alania Vladikavkas dhe Vista Gelenzik.
Kujtojmë, “romantikët” dy ditë më parë prezantuan ish sulmuesin e Shkëndijës dhe Renovës, Vlatko Stojanovskin, pastaj rikthyen Petar Petkovskin, ndërsa që më parë kishin siguruar edhe shërbimet e mbrojtësit tetovar, Mevlan Murati. (infOSport.mk)
