Skuadra e Struga Trim Lum, ka krijuar një aksion nga librat shkollor në ndeshjen e sotme kontrolluese kundër skuadrës së LKS Lodz nga Polonia.
Struga Trim Lum në një ndeshje me shumë kthesa në rezultat, në takimin e sotëm kundër LKS Lodz nga Polonia, u mposht me shifrat 4:3.
Golat në këtë ndeshje për skuadrën kampione të vendit tonë, u shënuan nga Marjan Radeski (25’) dhe Besart Ibraimi (39’; 55′ pen.), ndërsa për polakët shënuan Jakub Letnioëski (9′), Dani Ramirez (34′; 64′) dhe Pirulo (81′ penalti).
Megjithatë, edhe përkundër disfatës, Struga Trim Lum bëri një ndeshje shumë të mirë, duke dhuruar spektakël me shumë aksione mirë të organizuara.
I tillë ishte aksioni edhe tek goli i parë i shënuar nga Marjan Radeski, kur futbollistët e Struga Trim Lum krijuan një aksion nga ‘librat shkollor’.
Ekipi i Shpëtim Duros bëri shumë pasime deri tek arritja e golit, ku Radeski shënoi një gol të bukur pas asistimit të Besart Ibraimit. (infOSport.mk)
