Përfaqësuesja A nisi përgatitjet për ndeshjen me Lihtenshtejnin

Përfaqësuesja A e Maqedonisë sot ka nisur përgatitjet për ndeshjen kualifikuese me Lihtenshtejnin. Seleksionuesi Igor Angellovski ka mbajtur seancën e parë stërvitore në vigjilie të duelit në të cilin Maqedonia hyn si favorit në këtë përballje.

Asnjëherë dhe askund nuk do të kërkojmë alibi edhe pse para fillimit të përgatitjeve përballemi me probleme për shkak të lëndimeve të Hasanit dhe Bejtullait. Vlerësoj se kemi futbollistë mjaft të mirë të cilët mund t’i përgjigjen detyrës dhe obligimeve që do tu jepen”, tha Angellovski.

Qasja do të jetë e njejtë si në gjithë përballjet tjera, mirëpo do të ndryshojmë diçka në vendosjen në fushë. Kemi lojtarë të mirë për të ardhur te fitorja. Ajo që një periudhë më të gjatë nuk kemi fitore si mysafir në kualifikime krijon një presion të caktuar, mirëpo shpresoj që kjo të jetë një impuls shtesë për të thyer këtë traditë”, përfundoi Angellovski.

Ndeshja Lihtenshtejn – Maqedoni do të zhvillohet të premten në Vaduz me fillim prej orës 20:45. (ffm.mk)

Leave a Reply