Liverpulli ka shënuar një fitore dramatike 1:2 në transfertën ndaj Bërnlit, njofton “infOSport.mk”. Mbrojtësi Ragnar Klavan shënoi golin e fitores në minutën e 94-të, pasi tre minuta më herët Gudmundson kishte barazuar për një çast rezultatin.
Ndryshe golin e parë për Liverpullin në këtë ndeshje e realizoi Mane në minutën e 61-të. Falë kësaj fitore Liverpulli barazohet me pikë me Mançester Junajtedin, skuadër kjo e cila ndeshjen e javës së 22-të do ta zhvillojë me fillim në ora 18:30.
Që të dyja skuadrat kanë nga 44 pikë, teksa Bërnli, kundërshtari i sotshëm i Liverpullit mbetet në kuotën e 34 pikëve, duke u pozicionuar në vendin e 7-të. Një fitore të madhe në ndeshjet e sotme realizoi Lesteri ndaj Hadersfilldit (3:0), ndërkohë Njukasëll Junajtedi me rezultatin minimal 0:1 mundi Stouk Sitin e Xherdan Shaqirit si mysafir.
Ndeshja e parë e ditës së sotme midis Brajtonit dhe Burnemautit u mbyll me barazimin 2:2.
| Premierliga, Java XXII | ||
| Brighton | 2 – 2 | Bournemouth |
| Burnley | 1 – 2 | Liverpool |
| Leicester | 3 – 0 | Huddersfield |
| Stoke | 0 – 1 | Newcastle |
| Everton | 18:30h | Manchester Utd |
