Skuadra e FC Cincinnati, pjesë e “Major League Soccer” në SHBA, të dielën njoftoi nënshkrimin e holandezit Jap Stam si trajneri të ri. Megjithatë prezantimi nga ana e tyre, morri vëmendjen e gjithë opinionit sportiv, kjo falë gafës së madhe që bënë.
Në njoftimin përkatës, në faqen e tyre, klubi amerikan publikoi foton e gabuar në vend të ish-mbrojtësit të kombëtares holandeze dhe njëherit skuadrave si Mançester Junajted, Lacio dhe Milan.
Në fakt, ngjashmëria mes të dyve është shumë e madhe, saqë ky gabim mund edhe të “amnistohet”.
Në vend të Jaap Stam-it të vërtetë, në foton e njoftimit të FC Cincinnati ishte një tullac tjetër, po ashtu trajner, Tinus van Teunenbroek.
Pavarësisht se duket “fotokopje” e hollandezit, nuk ishte Jaap Stam i vërtetë.
ICYMI: Join us in welcoming our 𝘢𝘤𝘵𝘶𝘢𝘭 new head coach, Jaap Stam. #FCCincy
📰: https://t.co/DP0FEepraD pic.twitter.com/dvLbByeHoC
— FC Cincinnati (@fccincinnati) May 21, 2020
