Kombëtarja e Spanjës është fituese e edicionit të tretë të Ligës së Kombeve. Iberikët në finalen e madhe mposhtën Kroacinë, edhe atë vetëm pas ruletit të penaltive me rezultatin 5:4, pasi ndeshja në kohën e rregullt dhe pas 120 minutave lojë u mbyll me rrjeta të paprekura.
Ishte Spanja që u kanos e para në këtë ndeshjes përmes Gavit, që më pas kroatët të jenë më këmbëngulës në aksionet e tyre.
Ivan Perishiç pati ndër rastet për t’u përmendur në fraksionin e parë të lojës, megjithatë skuadrat shkuan në pushim me rrjetat e paprekura.
Futbollistët e Kroacisë hynë në pjesën e dytë më të vendosur për ta gjetur golin dhe krijonin raste të njëpasnjëshme, megjithëse u mungonte finalizimi.
Një nga rastet më të mira të kësaj gjysmëloje e pati Ansu Fati, mirëpo Ivan Perishiç e bllokoi goditjen që do të ndalej në rrjetë.
Kroatët e patën rastin e fundit gjatë kohës së rregullt që nuk u shfrytëzua dhe ndeshja shkoi në vazhdime për ta përcaktuar fituesin.
Ndërtimi i aksioneve dhe rastet ishin të pranishme edhe në fraksionin e parë të vazhdimeve, mirëpo rrjetat pushuan.
Spanjollët rrezikuan më shumë në gjysmën e dytë të vazhdimeve, megjithëse mundësitë nuk u shfrytëzuan dhe fituesi duhej të vendosej pas ekzekutimit të penalltive, aty ku më të saktë u treguan futbollistët e Spanjës, të cilët e fituan trofeun e Ligës së Kombeve për edicionin 2022/2023.
Lovro Majer dhe Bruno Petkoviç ishin futbollistët kroatë, që gabuan në ekzekutimin e penaltive, derisa Aimerik Laporte e goditi shtyllën.
Njëmbëdhjetëmetërshin vendimtar pë r “iberikë t” e realizoi Dani Karvahal.
Shumë keqardhje për Kroacinë e Zlatko Dalicit dhe Luka Modricit, që humbin një tjetër finale të një kompeticioni madhor, pas Botërorit 2018.
Ndërkohë në finalen e vogël të zhvilluar më herët gjatë ditës, Italia me rezultatin 3:2 mundi Holandën. (infOSport.mk)
