Shkupi dhe Renova me transferta të vështira

E diela në futbollin vendor do na dhurojë 4 nga gjithsej 5 përballjet e javës së tretë në elitën e futbollit vendor, njofton “infOSport.mk”.

Skuadra e FC Shkupit do të jetë mysafir i liderit aktual Akademia Pandev. Pas largimit të trajnerit Zekirja Ramadani, skuadrën nga Çairi në këtë ndeshje do ta udhëheq trajneri kondicional, Orhan Abdi, i cili shpreson se skuadra e tij nga Turnova do të rikthehet me një rezultat pozitiv.

Rikujtojmë në ndeshjen e fundit të zhvilluar në të njëjtin stadium, FC Shkupi kishte shënuar fitore me rezultatin 2:1. Një transfertë e vështirë e pret edhe Renovën, që do të jetë mysafir i Sileksit, Pobeda në Manastir do të luaj ndaj Rabotniçkit, ndërkohë Vardari në stadiumin “Boris Trajkovski” në Maxhari do të mirëpret Makedonija Gjorçe Petrovin.

Java e tretë mbyllet të hënën me ndeshjen ndërmjet Shkëndijës dhe Bellasicës në Tetovë.