Muriqi – Falkao, statistikat flasin në anën e sulmuesit kosovar!

Sulmuesi shqiptarë i Fenerbahçes, Vedat Muriqi, është vlerësuar shumë lartë për paraqitjen e tij në derbin e madh të Bosforit kundër Galatasarajit, ndeshje kjo që në program ishte fundjavën që lamë pas.

Para ndeshjes presioni ishte i madh nga mediumet turke se cili nga sulmuesit e dy skuadrave të mëdha nga Stambolli, do ta fitonte “luftën”, Vedat Muriqi apo Radamel Falcao.

Pas publikimit të statistikave zyrtare, krahasimet midis dy futbollistëve tregojnë se sulmuesi kosovar ishte bindshëm më i mirë.

Ndryshe, derbi Galatasaraji – Fenerbahçe u mbyll pa gola, mirëpo të pranishmit si gjithnjë patën mundësinë të shohin një ndeshje mjaft të luftuar dhe me shumë ndërprerje, por këtë herë pa asnjë karton të kuq.