Futbollisti me origjinë nga Gostivari, Shkodran Mustafi pa dyshim se është njëri nga futbollistët shqiptar më të suksesshëm në futbollin europian. Anëtari i Arsenalit përpos që është një futbollist mjaftë i mirë, ai është edhe një praktikues i fesë islame. Ai ka treguar një prapaskenë interesante se si nuk pinte alkool sa ishte tek të rinjtë e Evertonit.
“Për ta praktikuar fenë fillova nga mosha 17-vjeçare kur isha pjesë e Evertonit. Dolëm me shokët e skuadrës në darkë dhe të gjithë pinin ndërsa unë jo. Më pyeti njëri pse nuk pi pasi jam gjerman, i thash jam musliman dhe nuk pi alkool”, – deklaroi Mustafi.
“Ai shoku i skuadrës më pyeste vazhdimisht pse jam musliman, dhe i thash se prindërit e mi janë musliman dhe se jam rritur në një familje besimtare”.
“Asnjëherë nuk e kisha pyetur vetën pse jam musliman. Mua më kanë mësuar prindërit por asnjëherë nuk e kisha pyetur vetën pse nuk pi, pse nuk ha mish derri apo gjëra tjera”.
“Që nga ajo kohë kam filluar të falë namazin pesë herë në ditë dhe ndihem i lumtur me këtë”, deklaroi Mustafi.
“Besimi është shumë i ngjashëm me futbollin. Nëse nuk beson në atë që po bënë është e padobishme pasi do të jesh i keq”, përfundoi mbrojtësi shqiptar.
Mustafi mbrëmë me Arsenalin e tij mundën Milanin në “San Siro” me rezultatin 0:2 në ndeshjen e parë të 1/8 së finales së Liga Europa, dhe janë në rrugë të mirë për të sigurar një vend në mesine 8 skuadrave më të mira në kuadër të Kompeticionit të dytë më të rëndësishëm.
