Goli i parë i Taulant Xhakës me fanellën kishte vlerë trepikëshe. Mesfushori i Baselit është i lumtur që i dha fitoren skuadrës por vëmendja e tij shkon menjeherë te Skocia.
Si ndihesh për golin?
Në pjesën e dytë, më erdhi rasti, dhe shënova. Jam shumë i kënaqur, sepse është goli im i parë në Kombëtare, dhe arritëm një fitore shumë të rëndësishme.
E nisët me polemika me Panuçit, dhe i dhatë fitoren sot…
Nuk ka qenë polemikë. Merremi vesh shumë mirë me të. Ai më ka dhënë një besim, dhe unë ia shpërbleva me gol.
Lojtar me eksperiencë, por mund të korrigjohesh edhe në sulm. Mund të shënoni përsëri…
Ndeshja ka qenë shumë e mirë, por kemi luajtur futboll. Nuk kemi përdorur topa të gjatë. Tani, na pret një ndeshje komplet tjetër ndaj Skocisë.
