Viktor Moses, ka lënë Çelsin për t’iu bashkuar ekipit të Fenerbahçes. Ditën e sotme, anësori nigerian ka kryer vizitat mjekësore me skuadrën turke.
Moses aktivizohej prej vitesh me blutë e Londrës, ku me Antonio Konten në krye ishte një ndër më të rëndësishmit në titullin e fituar të Premierligës në sezonin 2016/2017.
Tashmë, 28-vjeçari do të mbrojë ngjyrat e Fenerbaçes, të cilët janë në momentin e tyre më të errët prej vitesh, ku renditen në vendin e 15-të vetëm 2 pikë më shumë se vendi i fundit të klasifikimit të Superligës turke.
Viktor Moses te Fenerbahçe do të luajë në formë huazimi me të drejtë blerje në fund të sezonit, ndërsa largimi i tij erdhi pasi trajneri Mauricio Sarri nuk llogariste fare në shërbimet e tij.
