5 edicionet e fundit, Shkëndija apo Vardari? Ja kush ka shënuar më shumë gola

Shkëndija dhe Vardari janë dy skuadrat më të mira viteve të fundit në futbollin vendor. Dy skuadra këto “kuqezi” që në 5 vitet e fundit nuk kanë lëshuar nga duart e tyre titujt kampion, ndërsa bashkë me shumë gjasa do të diskutojnë edhe këtë vit për trofeun e më të mirit në futbollin vendor, njofton “infOSport.mk”.

Vardari në këto 5 vite të fundit ka fituar 3 tituj, teksa Shkëndija dy të fundit, ku shihet një dominim absolut i skuadrës tetovare.

Megjithatë tashmë kur në krye të skuadrës kampione në fuqi nuk qëndron arkitekti i titujve, Qatip Osmani, punët janë disi më të vështira, kjo pasi nëse flasim për sezonin aktual, është Vardari që u shpall kampion vjeshtorë, edhe atë me 8 pikë dallim.

Mirëpo kur jemi tek golat, Shkëndija është skuadra që edhe në gjysëmsezon ka të shënuar më shumë gola se Vardari, njëjtë sikurse edhe në 5 sezonet e fundit.

Në 18 ndeshje të këtij edicioni, Shkëndija ka shënuar 30 gola, dy më shumë se lideri Vardari, ndërsa në 5 edicionet e fundit “kuqezinjtë” nga Tetova kanë shënuar 363 gola, kundrejt 278 golave të Vardarit.

Më poshtë përmes tabelës mund të shihni edhe golat e shënuar dhe të pranuar veç e veç për çdo sezon nga ana e dy skuadrave më të mira viteve të fundit në futbollin vendor.