SuperKupa e Kosovës e këtij viti për herë të parë do të zhvillohet jashtë kufijve “dardan”, njofton “infOSport.mk”. Skuadra kampione e Dritës si dhe fituesja e Kupës, Prishtina, ndeshjen e tyre për këtë trofe do ta zhvillojnë në Turqi, aty ku këto dy skuadra po zhvillojnë fazën kryesore të përgatitjeve.
Një gjë të tillë kanë lejuar edhe Drejtuesit e Federatës së Futbollit të Kosovës, kjo pasi sipas tyre praktika të tilla përdorin edhe klube nga kampionatet më të forta europiane, teksa për trofeun e Superkupës zakonisht luajnë në vende arabe apo edhe në Kinë.
Ndryshe finalja e SuperKupës së Kosovës, për edicionin 2019/2020, që u shtye për shkak pandemisë, në program është me datë 23 janar.
