Reali i Madridit po sundon me Europën për tre vite me rradhë, ndërsa kjo skuadër gjithashtu mban edhe epitetin e “mbretërve” në Kontinentin e Vjetër, me plotë 13 tituj, ndaj edhe dëshira e futbollistëve të shumtë për të luajtur me këtë skuadër është shumë e madhe.
Në historikun e deritanishëm të Realit të Madridit nuk ka asnjë emër shqiptarë që ka veshur fanellën e skuadrës “madrilene”, mirëpo një gjë e tillë mund të ndodhë këtë verë.
Spanjollja “Don Balon” zbulon se mesfushori kroat Luka Modriç ka biseduar me presidentin Perez, ku përveç se ka qartësuar të ardhmen, i ka sugjeruar të njëjtit mbrojtësin e Real Sociedadit, Odriozola si dhe futbollistin shqiptar Elseid Hysaj, i cili shikohet si një alternativë bindëse në krahun e djathtë.