Strategu turk Umit Karan ka debutuar me barazim te Shkupi në ndeshjen me Rabotniçkin të zhvilluar sot në Çair në kuadër të xhiros së 9-të në Ligën e Parë të futbollit të Maqedonisë, e cila u mbyll me rezultat 1:1.
Karan pas ndeshjes ka folur edhe për mediat, duke theksuar se koha ishte e shkurtë që nga ardhja e tij deri te ndeshja e parë, ndërsa beson që në të ardhmen do të përmirësohet gjendja e skuadrës.
“U bënë dy ditë që kemi filluar punën me këtë ekip, me të vertetë nuk ishte një ndeshje e lehtë. Humbëm disa raste për gol, megjithatë uroj futbollistët e mi për lojën e treguar dhe shpresojmë që në të ardhmen të japim rezultate më të mira”, ka thënë Umit Karan pas ndeshjes.
Karan te Shkupi u prezantua të enjten, ndërsa kishte vetëm dy ditë në dispozicion për tu njohur dhe për ta përgatitur ekipin për takimin me Rabotniçkin./InfOSport.mk
