Njihuni me të gjitha transferimet në LPFM

Sot edhe zyrtarisht starton stinori pranveror në LPFM. Të gjitha skuadrat të gatshme e presin këtë gjysëmsezon, ku edhe përfundimisht do të mësojmë emrin e skuadrës kampione, emrat e skuadrave që do të sigurojnë një vend për në garat europiane, por njëkohësisht edhe skuadrave që do të humbin statusin e skuadrës elitare, si dhe asaj skuadre që do të duhet të luaj balotazh. Ishte pikërisht Renova që pjesën e parë e mbylli në atë pozitë jo të rehatshme, ashtu që drejtuesit e kësaj skuadre morrën të gjitha masat për të përforcuar skuadrën, njëjtë siç bëri edhe Pobeda, skuadër kjo e cila me shumë gjasa do të duhet të luftojë deri në fund për mbijetesë, shkruan “infOSport.mk”.

Në anën tjetër Shkëndija nuk transferoi aq shumë futbollistë, mirëpo morri më të mirën, duke përforcuar repartin më problematik viteve të fundit, atë të mbrojtjes. Emrat si Visar Musliu, Mevlan Adili dhe Vakili, pritet të sjellin më shumë siguri në mbrojtjen e skuadrës tetovare, që njëherit ndodhet në një pozitë shumë të volitshme ndaj Vardarit (8 pikë epërsi), skuadër kjo që në anën tjetër lirisht mund të themi se është humbësi më i madh i merkatos së janarit.

Ata me largimin e Visar Musliut humbën dyfish, pasi përveç zbrastirës së krijuar në mbrojtje, njëkohësisht lejuan që rivali i tyre më i madh të përforcohet dukshëm me angazhimin e tij, ndërsa gjithashtu përveç mbrojtësit shqiptarë, humbën edhe shërbimet e Besir Demirit, një tjetër super futbollisti, i cili bashkë me Musliun dhe Boban Nikolovin, i cili u transferua te Videotoni, ishin pjesë e asaj gjenerate të artë të përfaqësueses shpresa të Maqedonisë që para një viti na prezantoi në Europianin në Poloni.

Mjaft aktiv në këtë merkato të janarit ishte edhe FC Shkupi, që me drejtuesit e rinj bëri një punë shumë të shkëlqyeshme duke sjellë në rradhët e veta futbollistë mjaft cilësorë, ndërsa ndër skuadrat që kanë transferuar futbollistë mjaft cilësor mund të llogariten edhe Rabotniçki dhe Renova, që sot në arenën “Filipi i Dytë” do të ndajnë mejdanin mes vete.

Më poshtë ju sjellim listën e futbollistëve të ardhur dhe të larguar nga skuadrat e Ligës së Parë Futbollistike të Maqedonisë: